Միջազգային ավիաընկերությունները կասեցնում են իրենց թռիչքները դեպի Իսրայել
Թուրքական Anadolu լրատվական գործակալության փոխանցմամբ՝ Թուրքիան 24 ժամով դադարեցրել է դեպի Իսրայել բոլոր չվերթները, ինչը կապված է այնտեղ տիրող անհանգիստ վիճակի հետ: Այս մասին հայտնել է Թուրքիայի տրանսպորտի նախարարությունը:
Սրանից առաջ էլ դեպի Իսրայել իրենց թռիչքները դադարեցրել էին ամերիկյան Delta, US Airways և United Airlines, ֆրանսիական Air France, ավստրիական Austrian Airlines, շվեյցարական Swiss Airlines, գերմանական Lufthansa ընկերությունները (նրանք թռիչքները դադարեցրել են 36 ժամով):
Դա տեղի է ունեցել այն բանից հետո, ինչ պաղեստինյան հրթիռն ընկել է Իսրայելի Յեհուդ քաղաքի բնակելի տան վրա: Այդ քաղաքը գտնվում է Թել Ավիվի միջազգային օդանավակայանի հարևանությամբ, որը համարվում է երկրի օդային դարպասները:
