«Ո՛չ թալանին» թիմը կառավարությունից պահանջում է էլեկտրաէներգիայի հարցով հանձնաժողով ստեղծել
Էլեկտրաէներգիայի թանկցման դեմ պայքարող «Ո՛չ թալանին» թիմը կառավարությունից պահանջում է ստեղծել անկախ հանձնաժողով` Հանրային ծառայությունները կարգավորող հանձնաժողովի ընդունած որոշումը վերանայելու համար: Այս մասին նշվում է նախաձեռնող խմբի ֆեյսբուքյան էջում տեղադրված հայտարարության մեջ:
Նման պահանջով թիմի անդամներն օգոստոսի 1-ի երեկոյան՝ ժամը 19:00-ին, Մատենադարանի մոտից բողոքի երթ են անցկացնելու` կառավարությունից պահանջելով նաև էլեկտրաէներգիայի սակագինը թողնել անփոփոխ՝ մինչև հանձնաժողովի աշխատանքների ավարտը:
Երթի մասակիցներն իրենց հետ ունենալու են մոմեր և կոչ են անելու քաղաքացիներին` անջատել իրենց բնակարանների էլեկտրական սարքավորումներն ու լույսերը` ի նշան էլեկտրաէներգիայի թանկացման դեմ իրենց բողոքի:
