Լեւոն Հայրապետյանին մեղադրանք կներկայացվի հուլիսի 24-ին. պաշտպան
Հայազգի գործարար Լեւոն Հայրապետյանին պաշտոնապես մեղադրանք կներկայացվի հուլիսի 24-ին: «Քննիչը Լեւոն Հայրապետյանի պաշտպանական կողմին տեղեկացրել է, որ մեր պաշտպանյալին մեղադրանք է նախատեսվում ներկայացնել հուլիսի 24-ին»,-ԻՏԱՌ-ՏԱՍՍ գործակալությանն ասել է Հայրապետյանի փաստաբան Ռուբեն Մարգարյանը:
Նա տեղեկացրել է, որ նախօրեին պաշտպանական կողմը հայտարարություն է ուղարկել` Հայրապետյանին բուժզննության ենթարկելու վերաբերյալ: Բժիշկների որոշումը` թե արդյոք այդ հիվանդություններով հնարավոր է նրան մեկուսարանում պահել, հնարավոր կլինի ակնկալել երկու շաբաթից: Հայտարարությունում նշվել է նաեւ բուժզննությանը Հայրապետյանի բուժող բժշկի մասնակցության անհրաժեշտության մասին:
Հիշեցնենք, որ Մոսկվայի դատարանը բավարարել էր Լեւոն Հայրապետյանի ձերբակալության միջնոդությունը` հանցավոր ճանապարհով ձեռք բերված փողերի լվացման կասկածանքով: Լեւոն Հայրապետյանը կտրուկ կերպով հերքում է մեղադրանքը:
