Նիդեռլանդական բանկերը հայտարարել են Boeing-ի զոհերի բանկային քարտերի գողության մասին
Նիդեռլանդական բանկերը հայտարարել են, որ Ուկրաինայում Boeing-ի ավիաաղետի զոհերի քարտերի գողության մասին տեղեկություններից հետո կանխարգելիչ միջոցառումներ կձեռնարկեն, հաղորդում է Agence France-Presse-ը:
«Միջազգային լրատվամիջոցները հաղորդում են, որ զոհերի բանկային քարտերը գողացվել են»,-հայտարարել է Հոլանդիայի բանկային ասոցիացիան` նշելով, որ բանկերն անհրաժեշտ կանխարգելիչ միջոցառումներ կձեռնարկեն եւ զոհերի հարազատների ցանկացած կորուստ կվերադարձվի:
Հուլիսի 17-ին Ուկրաինայի տարածքում խփված օդանավում 298 ուղեւոր է եղել, որից 192 -ը` հոլանդացիներ:
