Ռուսաստանը չի կրճատել իր ռազմական ներկայությունն Ուկրաինայի հետ սահմանին. Պենտագոն
Ռուսական ИТАР-ТАСС լրատվական գործակալության փոխանցմամբ` Պենտագոնը կարծում է, որ Ռուսաստանը չի կրճատել իր ռազմական ներկայությունն Ուկրաինայի հետ սահմանին: Այս մասին հայտարարել է Պենտագոնի պաշտոնական ներկայացուցիչ Ջոն Կիրբին:
Ավելի վաղ ԱՄՆ-ը հայտարարել էր, որ Ռուսաստանն Ուկրաինայի հետ սահմանին պահում է 10.000-12.000 զինծառայող: Կիրբին նույնպես հաստատել է այդ թվերը` ընդգծելով, որ լուրջ փոփոխություններ չեն գրանցվել: Կիրբին նկատել է, որ այդ ստորաբաժանումները կանգնած են սահմանին շատ մոտ և դրանով իսկ նպաստում են լարվածության էսկալացիային:
