Ուկրաինացի զինվորականները գրավել են Լուգանսկի հարավ-արևելյան հատվածն ու օդանավակայանը

Lenta.ru-ի փոխանցմամբ` Ուկրաինայի զինված ուժերը գրավել են Լուգանսկի հարավ-արևելյան հատվածն ու օդանավակայանը: Այս մասին նշված է Ուկրաինայի նախագահի կայքում:

Դրանում նշված է, որ Ուկրաինայի պաշտպանության նախարար, գեներալ-գնդապետ Վալերի Գելետեյը նախագահ Պորոշենկոյին զեկուցել է, որ Ուկրաինայի զինված ուժերն իրենց վերահսկողության տակ են առել Լուգանսկ քաղաքի հարավ-արևելյան հատվածը:

Կայքում նշված է, որ ուկրաինացի զինվորականները շարունակում են զինյալներից ազատագրել մնացյալ բնակավայրերը: Զգալիորեն վնասվել են Լուգանսկի ենթակառուցվածքները: