«Մերսեդես»-ը կամրջից ընկել է ձորը. տուժածների վիճակը ծայրահեղ ծանր է

Հուլիսի 17-ին, ժամը 02.32-ին ահազանգ է ստացվել, որ Ծովագյուղ-Դիլիջան ավտոճանապարհին` թունելի մոտակայքում, տեղի է ունեցել ՃՏՊ, կան արգելափակված քաղաքացիներ, առկա է գազի արտահոսք. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Դեռևս չբացահայտված հանգամանքներում «Մ4» միջպետական ավտոճանապարհի Սևան-Դիլիջան հատվածի 15-րդ կմ-ի մոտակայքում՝ «Մերսեդես» մակնիշի 34 DZ 369 պետհամարանիշի ավտոմեքենան դուրս է եկել ճանապարհի երթևեկելի հատվածից և Ձգնագետի կամրջից ընկել ձորը (մոտ 4 մ):

Հրշեջ-փրկարարներն ավտոմեքենայից դուրս են բերել Կ. Շ.-ին (ծնվ.1983 թ.) և Կ. Վ.-ին (ծնվ.1965թ.), ովքեր տեղափոխվել են Սևան քաղաքի բժշկական կենտրոն:
Ըստ բժիշկների` տուժածների առողջական վիճակը ծայրահեղ ծանր է:

ՀՀ Արտակարգ իրավիճակների նախարարություն