Կառավարությունը չի համաձայնել 100 միլիոնից քիչ հասույթ ունեցողներին ազատել նոր սերնդի ՀԴՄ-ներ ունենալու պարտավորությունից
Կառավարությունը քննարկել է «Հսկիչ-դրամարկղային մեքենաների կիրառման մասին» օրենքում փոփոխություն կատարելու օրենքի նախագիծը, որն օրենսդրական նախաձեռնության կարգով ներկայացրել են ԱԺ մի խումբ պատգամավորներ: Նրանք առաջարկում են նախորդ տարվա արդյունքով մինչև 100 մլն դրամ իրացումից հասույթ ունեցող հարկ վճարողներին ազատել նոր սերնդի ՀԴՄ ձեռք բերելու սահմանված պարտավորությունից: Գործադիրը նպատակահարմար չի համարել առաջարկության ընդունումը և հանգամանորեն ներկայացրել է իր առարկությունները:
Վերը նշված օրենքների նախագծերը և կառավարության եզրակացությունները սահմանված կարգով կներկայացվեն ՀՀ Ազգային Ժողով:
