Նուման Քուրթուլմուշը հայտնել է Թուրքիայի իշխող կուսակցության նախագահի թեկնածուի անունը
Թուրքական Radikal թերթի փոխանցմամբ՝ իշխող «Արդարություն ու զարգացում» կուսակցության (ԱԶԿ) փոխնախագահ Նուման Քուրթուլմուշը հայտնել է կուսակցության թեկնածուի անունը՝ կապված օգոստոսի 10-ին երկրում կայանալիք նախագահական ընտրությունների հետ:
Նա հայտարարել է, որ ամենայն հավանականությամբ, իրենց թեկնածուն հանդիսանալու է գործող վարչապետ Ռեջեփ Էրդողանը: Անդրադառնալով ընդդիմության կողմից առաջ քաշված Էքմելեդդին Իհսանօղլուի թեկնածությանը՝ Քուրթուլմուշը հայտարարել է, որ Իհսանօղլուն պահպանողական թեկնածու է:
ԱԶԿ-ի գլխավոր քարտուղար Հալուք Իփեքը հայտարարել է, որ կուսակցության նախագահի թեկնածուի անունը կհրապարակվի հուլիսի 1-ին ժամը 11.30-ին, Ակարայի առևտրային պալատում:
