Պորոշենկոն Մերկելին կոչ է արել անձամբ մասնակցել Ուկրաինայի արևելքի հակամարտության կարգավորմանը
ZN.UA-ի փոխանցմամբ՝ Ուկրաինայի նախագահ Պյոտր Պորոշենկոն Գերմանիայի կանցլեր Անգելա Մերկելին կոչ է արել անձամբ ներգրավվել Ուկրաինայի արևելքում առկա հակամարտության կարգավորման գործընթացում: Այս մասին հայտնել է Ուկրաինայի նախագահի մամլո ծառայությունը:
Հեռախոսազրույցի ժամանակ Պորոշենկոն Գերմանիայի կանցլեր Անգելա Մերկելին իրազեկել է, որ նախորդ օրերին զինյալները Դոնեցկի ու Լուգանսկի մարզերում հրադադարը խախտել են ավելի քան 20 անգամ:
Պորոշենկոն հայտարարել է, որ Ուկրաինայի արևելքի հակամարտության կարգավորման համար չափազանց անհրաժեշտ է Անգելա Մերկելի և համաշխարհային մյուս առաջնորդների օգնությունն ու անձնական ներգրավվածությունը:
Մերկելը հաստատել է, որ աջակցում է Պորոշենկոյի խաղաղութան պլանին և պատրաստակամություն է հայտնել առավելագույն կերպ աջակցել շահագրգիռ բոլոր կողմերի բազմակողմ երկխոսությանը:
Պորոշենկոն ընդգծել է Գերմանիայի հետ համատեղ նախագծերի իրագործման կարևորությունը՝ կապված Դոնեցկի ու Լուգանսկի մարզերում ենակառուցվածքների վերականգնման հետ:
