Իրանի ու «Վեցյակի» միջև «միջուկային» բանակցությունները կշարունակվեն այսօր
Ռուսական РИА Новости լրատվական գործակալության փոխանցմամբ՝ Իրանի ու «Վեցյակի» միջև «միջուկային» բանակցությունները կշարունակվեն այսօր՝ չնայած դրանց վաղաժամ ավարտվելու մասին տարածված լուրերին: Այս մասին գործակալությանը հայտնել է ամերիկյան պատվիրակությունում նրա աղբյուրը:
Վիեննայում Իրանի ու «Վեցյակի» միջև բանակցային հինգերորդ փուլն ընթանում է այս շաբաթ, կողմերը փորձում են հասնել իրանական միջուկային ծրագրի համապարփակ կարգավորմանը:
Կողմերը նախապես պարտավորվել են դա անել մինչև հուլիսի 20-ը: Դա կերաշխավորի Իրանի միջուկային ծրագրի խաղաղ բնույթը, ինչն էլ վերջ կդնի Իրանի դեմ սահմանված միջազգային պատժամիջոցներին:
