Ջոն Քերին շուտով կայցելի Իրաք
France-Presse լրատվական գործակալության փոխանցմամբ՝ ԱՄՆ պետքարտուղար Ջոն Քերին շուտով կայցելի Իրաք, ուր ամսվա սկզբից շարունակվում է «Լևանտում ու Իրաքում իսլամական պետություն» արմատական խմբավորման զինյալների հարձակումը, որոնք արդեն իսկ գրավել են երկրի մի շարք շրջաններ:
Այս մասին գործակալությանը հայտնել են Կոնգրեսում նրա աղբյուրները: Ավելի վաղ ԱՄՆ նախագահ Բարաք Օբաման հայտարարել էր, որ Ջոն Քերին հանգստյան օրերին մեկնելու է Մերձավոր Արևելք՝ քննարկելու համար Իրաքում ստեղծված իրավիճակը: Սակայն Օբաման որևէ բան չէր հայտնել Քերիի իրաքյան այցի մասին:
ԱՄՆ-ը ներկայումս մտադիր է Իրաք ուղարկել 275 զինվորականի՝ Բաղդադում իր դեսպանատունը պահպանելու համար:
