Մորնինգսթարը հուսով է, որ Հայաստանի ու Ադրբեջանի նախագահները մոտ ժամանակներս կհանդիպեն Փարիզում
Ադրբեջանական APA լրատվական գործակալության փոխանցմամբ՝ Ադրբեջանում ԱՄՆ-ի դեսպան Ռիչարդ Մորնինգսթարը հույս է հայտնել, որ մոտ ժամանակներս Փարիզում տեղի կունենա Հայաստանի ու Ադրբեջանի նախագահների հանդիպում:
Մորնինգսթարն ընդգծել է, որ այդ հանդիպման ստույգ ժամկետը դեռ հայտնի չէ. «ԱՄՆ-ը կարծում է, որ Հայաստանի ու Ադրբեջանի նախագահները փարիզյան հանդիպման ժամանակ պետք է կոնկրետ համաձայնության գան հակամարտության կարգավորման շուրջ»:
