Վրաերթ կատարած և փախուստի դիմած կին վարորդը ներկայացել է ոստիկանություն

Հունիսի 15-ին, ժամը 11.30-ին, անհայտ ավտոմեքենայի վարորդը Երևանի Հ. Հակոբյան փողոցի թիվ 4 շենքի մոտ վրաերթի է ենթարկել 60-ամյա կնոջ և դիմել փախուստի:

Վրաերթի ենթարկվածը ստացել է մարմնական վնասվածքներ և տանը շտապօգնության կողմից ստացել բուժօգնություն:

Ոստիկանության ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ վրաերթը կատարել է 31-ամյա մի քաղաքացուհի` «Մազդա 316» մակնիշի ավտոմեքենայով: Նա ժամը 23.30-ին ներկայացել է ոստիկանության և տվել խոստովանական բացատրություն:

Կատարվում է քննություն:

ՀՀ Ոստիկանություն