Իրանը պայմանավորվել է «Վեցյակի» հետ. պատժամիջոցները կվերացվեն
Բրիտանական Reuters լրատվական գործակալության փոխանցմամբ` Իրանի նախագահ Հասան Ռոուհանին հեռուստատեսությամբ հայտարարել է, որ իրանական կողմը պայմանավորվածության է եկել միջազգային միջնորդների հետ` կապված իր միջուկային ծրագրի հետ:
Պայմանավորվածության համաձայն, Իրանը շարունակելու է ուրանի հարստացման գործընթացը, սակայն դրա հետ մեկտեղ Իրանի հետ ցանկացած համաձայնագրի դեպքում պետք է վերացվեն նրա դեմ սահմանված պատժամիջոցները:
Իրանն ու «Վեցյակը» իրանական միջուկային ծրագրի հարցի շուրջ համապարփակ համաձայնագրի կնքմանը պետք է հասնեն մինչև հուլիսի 20-ը: Ավելի վաղ Իրանի նախագահը հայտարարել էր, որ Իրանն անում է ամեն հնարավոր բան, որպեսզի սահմանված ժամկետում հասնի այդ համաձայնագրին:
