Իրանը պատրաստ է աջակցել հետպատերազմյան Սիրիայի վերականգնմանը
Իրանական Fars լրատվական գործակալության փոխանցմամբ՝ Իրանի զբաղվածության նախարար Ալի Ռաբիին հայտարարել է, որ Թեհրանը պատրաստ է քաղաքացիական պատերազմից հետո աջակցել Սիրիայի վերականգնմանը:
Ալի Ռաբիին այս մասին հայտարարել է իր սիրիացի գործընկեր Հասան Հեջազիի հետ հանդիպման ժամանակ, ինչը տեղի է ունեցել Ժնևում Զբաղվածության միջազգային կազմակերպության նիստի շրջանակներում:
Իրանցի նախարարն ընդգծել է, որ իրանական ընկերություններն ունեն դա անելու բոլոր հնարավորությունները: Նրա խոսքերով՝ Իրանի ժողովուրդն ու կառավարությունը մշտապես կանգնած կլինեն Սիրիայի կողքին:
Նախորդ շաբաթ Սիրիայի վարչապետ Վաել ալ-Հալգին Իրանի մասնավոր սեկտորին գործընկերության կոչ էր արել՝ կապված երկրի վերականգնմանն օգնելու հետ:
