Պաշտպանները չէին ներկայացել մատուցողուհու սպանության գործով նիստին
Երևանի Աջափնյակ և Դավթաշեն վարչական շրջանների ընդհանուր իրավասության դատարանում այսօր հետաձգվեց մատուցողուհի Մարիամ Հունանյանի սպանության գործով դատական նիստը: Դատարան չէին ներկայացել ամբաստանյալ Դավիթ Թամրազյանի պաշտպանները: Փաստաբան Կրոմվել Գրիգորյանը դատարանին տեղեկացրել էր, որ այլ գործով ծանրաբեռնվածության պատճառով չի կարող ներկայանալ դատական նիստին: Ամբաստանյալ Դավիթ Թամրազյանն էլ փոխանցեց, որ իր պաշտպանը խնդրել է հաջորդ դատական նիստը նշանակել հունիսի 17-ին:
Դատավորը զգուշացրեց, որ եթե պաշտպանները չներկայանան նաև հաջորդ նիստին, ապա դատարանը նրանց կհեռացնի գործի վարույթից: Հաջորդ դատական նիստը տեղի կունենա հունիսի 19-ին:
