Պորոշենկոն կողմ է արտահայտվել վաղաժամ խորհրդարանական ընտրությունների անցկացմանը
Ուկրաինական UNIAN լրատվական գործակալության փոխանցմամբ` Ուկրաինայի նախագահ Պյոտր Պորոշենկոն իր երդմնակալությունից հետո, դիմելով ժողովրդին, հայտարարել է, որ Ուկրաինայի գործող Գերագույն ռադան չի համապատասխանում հասարակության տրամադրություններին:
Պորոշենկոն պնդել է, որ Ուկրաինայում անցկացվեն վաղաժամ խորհրդարանական ընտրություններ` ելնելով իշխանության լիակատար վերաբեռնման հասարակական պահանջից:
Պորոշենկոն հիշեցրել է, որ 2012 թվականի համեմատ էականորեն փոխվել են հասարակության տրամադրությունները, ինչն էլ առաջացրել է վաղաժամ խորհրդարանական ընտրություններ անցկացնելու անհրաժեշտություն:
