Ռ-Էվոլյուցիա-Թողարկում 71
Մենք սիրում ենք հպարտանալ նրանով, որ աշխարհում քրիստոնեությունը որպես պետական կրոն առաջինն ընդունած ազգն ենք: Մենք սիրում ենք եկեղեցի գնալ եկեղեցական տոների օրերին: Մենք հաճախ ենք մեր խոսքում տալիս Աստծո անունը: Հայ առաքելական եկեղեցին ոչ միայն Հայաստանի հանրապետության, այլ համայն հայության կյանքում ունի կարևորագույն նշանակություն, որն ամրագրված է նաև ՀՀ սահմանադրությամբ: Բայց որքանո՞վ ենք մենք իրականում քրիստոնեա՝ ըստ էության: Որքանո՞վ է մեր հավատը բովանդակությամբ, և ոչ թե ձևով քրիստոնեական: Որքանո՞վ է Հայ առաքելական եկեղեցին կատարում իր առաքելությունները: Որքանո՞վ է եկեղեցին հավատացյալներինը, և՝ հակառակը: Այս և բազմաթիվ այլ հարցերի շուրջ է մեր զրույցը Ն.Ս.Օ.Տ.Տ. Արամ Ա Մեծի Տանն Կիլիկիո Կաթողիկոսի հետ:
