Փաստաբանին հայհոյող՝ Լյուքս Ստեփանյանի հորը դահլիճից դուրս բերեցին. news.am
Ժամկետային զինծառայող Լյուքս Ստեփանյանի սպանության գործով հերթական դատական նիստին Տավուշի մարզի ընդհանուր իրավասության դատարանը այսօր՝ ապրիլի 25-ին, Լյուքս Ստեփանյանի հոր նկատմամբ սանկցիա է կիրառել:
Մահացած զինվորի հայրը վրդովվել է ամբաստանյալի փաստաբան Երեմ Սարգսյանի ելույթի ժամանակ:
NEWS.am-ի թղթակիցը հաղորդում է, որ փաստաբանը հարցեր է ուղղել վկայություն տվող փորձագետին այն մասին, թե կրակոցի ժամանակ ինչ դիրքում է եղել Լյուքս Ստեփանյանը, եւ ավելի ճշգրիտ մանրամասներ ստանալու համար անձամբ ընդունել է ենթադրյալ դիրքը, ինչը հունից հանել է Լյուքսի հորը, որը կանգնել է ու սկսել հայհոյել։ Դատական կարգադրիչները նրան դատարանի դահլիճից դուրս են տարել, որից հետո պատասխանող կողմի միջնորդությամբ դատարանը սանկցիա է կիրառել նրա նկատմամբ:
Դատական նիստը շարունակվում է:
Ամբողջությամբկարողեքկարդալսկզբնաղբյուրկայքում:
