Ռուսաստանը ձգտում է սկսել Երրորդ համաշխարհային պատերազմը. Յացենյուկ
Բրիտանական Reuters լրատվական գործակալության փոխանցմամբ՝ Ուկրաինայի վարչապետ Արսենի Յացենյուկն այսօր տեղի ունեցած կառավարության նիստի ժամանակ հայտարարել է, որ Ռուսաստանը ձգտում է սկսել Երրորդ համաշխարհային պատերազմը՝ ստեղծելով այնպիսի հակամարտություն, որը կարող է տարածվել նաև մնացյալ Եվրոպայի վրա.
«Ուկրաինայում ռազմական հակամարտություն սանձազերծելու փորձերը կհանգեցնեն Եվրոպայում ռազմական հակամարտության: Աշխարհը դեռ չի մոռացել Երկրորդ համաշխարհային պատերազմի մասին, իսկ Ռուսաստանն արդեն իսկ ցանկանում է սկսել երրորդը»:
Յացենյուկի կարծիքով՝ Ռուսաստանը ձգտում է Ուկրաինան գրավել թե՛ քաղաքական, թե՛ ռազմական առումով. «Ռուսաստանի նպատակն Ուկրաինայի նախագահական ընտրությունների ձախողումն է, եվրոպամետ կառավարության տապալումը և հետևաբար Ուկրաինան զավթելը»:
Յացենյուկը միջազգային հանրությանը կոչ է արել միավորել Ռուսաստանի դեմ սեփական ջանքերը:
