Հայաստանի շախմատի հավաքականները երրորդ անընդմեջ հաղթանակն են տարել համաշխարհային օլիմպիադայում
Հայաստանի հավաքականները երրորդ անընդմեջ հաղթանակն են տարել շախմատի համաշխարհային 46-րդ օլիմպիադայում: Տեղեկությունը հայտնում են Հայաստանի շախմատի ֆեդերացիայից։
Սեպտեմբերի 16-27-ը Ուզբեկստանի Սամարղանդ քաղաքում անցկացվող օլիմպիադայի 3-րդ խաղափուլում կանանց հավաքականը 4:0 հաշվով առավելության է հասել Խորվաթիայի հավաքականի նկատմամբ:
Հաղթանակ են տարել գրոսմայստեր Էլինա Դանիելյանը, կանանց գրոսմայստեր Մարիամ Մկրտչյանը, միջազգային վարպետ Լիլիթ Մկրտչյանը և կանանց միջազգային վարպետ Սուսաննա Գաբոյանը։
Տղամարդկանց հավաքականը 2.5:1.5 հաշվով առավելության է հասել Շվեդիայի հավաքականի նկատմամբ:
Թիմին հաղթական միավոր է բերել գրոսմայստեր Գաբրիել Սարգսյանը։ Գրոսմայստերներ Հայկ Մարտիրոսյանի, Շանթ Սարգսյանի և Մանուէլ Պետրոսյանի խաղերն ավարտվել են ոչ-ոքի արդյունքով:
4-րդ խաղափուլում Հայաստանի տղամարդկանց հավաքականը կմրցի Արգենտինայի հավաքականի հետ, իսկ կանանց հավաքականը՝ Ղազախստանի հավաքականի հետ:
