Ռուսաստանում գտնվող Roshen-ի գործարաններն ամբողջովին վերսկսել են իրենց աշխատանքը
ZN.UA-ի փոխանցմամբ՝ Ուկրաինայում հրուշակեղենի խոշորագույն կորպորացիա հանդիսացող Roshen-ը, որի հաշվեհամարների վրա կալանք էր դրվել Ռուսաստանում, վերսկսել է Ռուսաստանի Լիպեցկի մարզում իր արտադրական աշխատանքները: Այս մասին հայտնել է ընկերության մամուլի ծառայությունը.
«Roshen կորպորացիան իրազեկում է, որ 2014 թվականի ապրիլից սկսած վերականգնվել է ընկերության ռուսական ձեռնարկությունների աշխատանքը: Ներկա դրությամբ Լիպեցկում ու Լիպեցկի մարզում գտնվող երկու գործարանում հրուշակեղենի արտադրությունն ընթանում է սովորական ռեժիմով»:
Ընկերությունն ընդգծել է, որ Լիպեցկի գործարանները շարունակելու են իրենց գործունեությունը՝ ընթացիկ տարվա արտադրական պլանին համապատասխան:
