Կասպիցը խաղաղության ու բարեկամության ծով է, որում տեղ նախատեսված չէ այլոց համար. Սայարի
Իրանական Fars լրատվական գործակալության փոխանցմամբ՝ Իրանի ռազմածովային ուժերի հրամանատար, դերծովակալ Հաբիբոլլահ Սայարին հայտարարել է, որ Կասպիցի անվտանգության ապահովումն իրականացվում է հարևան երկրների հետ համագործակցությամբ:
Սայարին ընդգծել է, որ երրորդ ուժերին թույլատրված չէ ներկա գտնվել այդ տարածաշրջանում: Սայարին այդ հայտարարությունն արել է Անզալի քաղաքում, ուր տեղակայված է Իրանի ռազմածովային ուժերի Հյուսիսային հրամանատարության հրամանատարությունը:
Սայարիի խոսքերով՝ Կասպիցը խաղաղության ու բարեկամության ծով է, որում տեղ նախատեսված չէ այլոց համար:
