ՕԵԿ-ը ապրիլի 16-ին քաղխորհրդի նիստ է հրավիրել
«Օրինաց երկիր» կուսակցությունը քաղաքական խորհրդի նիստ է հրավիրել ապրիլի 16-ին: Այս մասին հաղորդագրություն է տարածել կուսակցությունը:
Նիստին կքննարկվի Հայաստանի քաղաքական դաշտում ստեղծված նոր իրավիճակը եւ ՕԵԿ քաղաքական դիրքորոշման հետ կապված հարցեր:
Նշենք, որ ապրիլի 13-ին ՀՀԿ գրասենյակում կայացել է Գործադիր մարմնի, ապա ՀՀԿ խորհրդի նիստ, որտեղ էլ հրապարակվել է նոր վարչապետի՝ Հովիկ Աբրահամյանի անունը: Սերժ Սարգսյանն արդեն ստորագրել է Աբրահամյանի նշանակման հրամանագիրը: Վերջինս 20 օր ժամանակ ունի նոր կառավարության կազմը ներկայացնելու համար:
