Մեկնարկել է Ադրբեջանի պաշտպանության նախարարի այցն Իրան
Ադրբեջանական APA լրատվական գործակալության փոխանցմամբ՝ մեկնարկել է Ադրբեջանի պաշտպանության նախարար, գեներալ-գնդապետ Զաքիր Հասանովի այցն Իրան: Այցն իրականացվում է Իրանի պաշտպանության նախարար, գեներալ-մայոր Հուսեին Դեհգհանի հրավերով:
Իր երկօրյա իրանական այցի շրջանակներում Հասանովն իր իրանցի գործընկերոջ հետ քննարկելու է երկկողմ համագործակցությունը, ինչպես նաև քաղաքական, ռազմական ոլորտի մի շարք հարցեր ու տարածաշրջանային անվտանգությունը: Պլանավորված է նաև, որ Հասանովը հանդիպումներ է ունենալու Իրանի մի շարք պաշտոնատար անձանց հետ:
