Բելառուսը կասեցնում է Ուկրաինայի հետ երկաթուղային հաղորդակցությունը
Ռուսական ИТАР-ТАСС լրատվական գործակալության փոխանցմամբ` «Բելառուսական երկաթուղիներ» ընկերությունը մայիսի 27-ից դադարեցնում է դեպի Ուկրաինա կամ նրա տարածքի միջով գնացքների տոմսերի վաճառքը: Այս մասին հայտնել է ընկերության մամուլի ծառայությունը:
Վերջինիս հաղորդմամբ` անհրաժեշտություն է ծագել Ղրիմի կապակցությամբ միջազգային գնացքների ժամանակացույցում ուղղումներ կատարելու համար: Վերջնական որոշումն ընդունվելու է ապրիլի 14-ին, քանի որ երկուշաբթի մեկնարկում է մայիսի 27-ի տոմսերի վաճառքը:
Ներկա դրությամբ Բելառուսի երկաթուղիները գործում են հաստիքային ռեժիմով: Սրանից առաջ «Ուկրաինական երկաթուղիները» հայտարարել էին մայիսի 27-ից դեպի Ղրիմ գնացքների տոմսերի վաճառքը կասեցնելու մասին:
