Ուկրաինայի արևելքում իրավիճակը կկարգավորվի մոտակա 48 ժամում. Արսեն Ավակով
РБК-Украина-ի փոխանցմամբ՝ Ուկրաինայի ներքին գործերի նախարար Արսեն Ավակովը կարծում է, որ Լուգանսկի, Դոնեցկի ու Խարկովի մարզերի անջատողականների հետ կոնֆլիկտը կկարգավորվի մոտակա 48 ժամում: Այս մասին նա հայտարարել է կառավարության նիստից առաջ.
«Կարծում եմ, որ այդ ճգնաժամը կկարգավորվի մոտակա 48 ժամում: Հակաահաբեկչական գործողությունների ռեժիմը չեղյալ չի հայտարարվել բոլոր երեք մարզերում, և յուրաքանչյուր պահի մենք կարող ենք իրականացնել պլանավորած բոլոր գործողությունները:
Այսօր հնարավոր է իրավիճակի կարգավորման երկու տարբերակ՝ մասնավորապես, բանակցություններ և ուժային տարբերակ: Ուկրաինայի իշխանությունները պատրաստ են հակամարտության կարգավորման յուրաքանչյուր տարբերակի»:
