Պուտինն այսօր մասնակցելու է ԱԴԾ-ի կոլեգիայի նիստին
Ուկրաինական UNIAN լրատվական գործակալության փոխանցմամբ՝ Ռուսաստանի նախագահ Վլադիմիր Պուտինն այսօր մասնակցելու է Անվտանգության դաշնային ծառայության (ԱԴԾ) կոլեգիայի նիստին: Այս մասին հայտարարել է Կրեմլի մամլո ծառայությունը:
Վերջինիս հաղորդմամբ՝ նիստի ժամանակ ամփոփվելու են 2013 թվականին ԱԴԾ-ի մարմինների օպերատիվ-ծառայողական գործունեության հիմնական արդյունքները և հստակեցվելու են 2014 թվականի առաջնահերթ առաջադրանքները: Չի բացառվում, որ նիստում քննարկվի նաև Ուկրաինայում տիրող իրավիճակը:
Ռուսամետ ակտիվիստները երեկ Դոնեցկում ու Խարկովում գրավել են մարզային պետական վարչակազմերի շենքերը, իսկ Լուգանսկում՝ Ուկրաինայի Անվտանգության ծառայության վարչության շենքը:
