«Չանախ»-ը հաջորդ օրվա ամսաթվով արտադրված մածուն է մատակարարել խանութ
Սննդամթերքի անվտանգության պետական ծառայությունից «Փաստինֆո»-ին հայտնեցին, որ մինչև ընթացիկ շաբաթվա ավարտը դիտարկումներ են իրականացվելու «Չանախ» կաթնամթերքի շուկայում:
Առիթը սպառողի հայտնաբերած խախտումն է եղել: Ֆեյսբուքի օգտատեր Սամվել Մարտիրոսյանն իր էջում մարտի 30-ին տեղադրել է «մարտի 31» արտադրության ամսաթվով «Չանախ» ֆիրմայի արտադրության մածուն: Օգտատերը գրում է, որ հայտնաբերված խախտման մասին ահազանգել է Սննդամթերքի անվտանգության պետական ծառայություն:
Ծառայության մամուլի քարտուղար Արմինե Սուքիասյանը մեզ հետ զրույցում տեղեկացրեց, որ հաջորդ օրվա ամսաթվով մածունը գնվել է Կոմիտասի պողոտայի SAS սուպերմարքեթից: Ինչ վերաբերում է դիտարկումներին, ապա մամուլի քարտուղարի խոսքով՝ եթե «Չանախ» կաթնամթերքի արտադրանքում խնդիր հայտնաբերվի, վաճառքը կկասեցվի:
Մանրամասներն` այստեղ
