Կլիչկոն կոչ է արել միավորվել Ուկրաինայի նախագահի ամենաարժանի թեկնածուի շուրջ
Ուկրաինական «ՈւԴԱՌ» կուսակցության առաջնորդ Վիտալի Կլիչկոն եվրոպամետ գործիչներին կոչ է արել մի կողմ դնել հավակնություններն ու համախմբվել Ուկրաինայի նախագահի միասնական թեկնածուի շուրջ, հաղորդում է УНН-ը:
Նախօրին Կլիչկոն առաջարկել էր որպես միասնական թեկնածու սատարել Գերագույն ռադայի պատգամավոր, «Ռոշեն» ընկերության ղեկավար Պյոտր Պորոշենկոյին:
«Մեզ հարկավոր է միավորվել, մի կողմ դնել անձնական բոլոր հավակնությունները: Հարկավոր է միավորվել միասնական թեկնածուի շուրջ, ով հաղթելու առավելագույն շանսեր ունի»,-հայտարարել է նա:
Հիշեցնենք, որ երեկ առաջադրման համար փաստաթղթերն էր ներկայացրել նաեւ Ուկրաինայի նախկին վարչապետ Յուլյա Տիմոշենկոն:
