Ստեփան Մարգարյան. Ինչո՞ւ են ուզում երկխոսել «Դեմ եմ»-ի հետ. Բա մե՞նք. «Ա1+»
«Ինչո՞ւ են միայն «Դեմ եմ» շարժմանը հրավիրում երկխոսության, եթե Սահմանադրական դատարան են դիմել քաղաքական 4 ուժերը»,- ըստ «Ա1+»-ի՝ զարմացած ասել է ԱԺ ԲՀԿ-ական պատգամավոր Ստեփան Մարգարյանը:
Ըստ նրա, կարելի է երկխոսել հենց հիշյալ ուժերի հետ ԱԺ դահլիճում: Պատգամավորը չի հասկանում, թե այնուամենայնիվ, ինչո՞ւ են ուզում երկխոսել երիտասարդների հետ, երբ դեռ ՍԴ-ն որեւէ որոշում չի կայացրել.
«Իրենք ուզում էին ՍԴ անունի՞ց անել, թե՞ ազդել ՍԴ որոշման վրա: Բոլոր դեպքերում նրանց տրամադրությունից ելնելով ինչ-որ մի բան կա մտքներին` փորձում են մեղմել կամ զիջումների գնալ»,- ենթադրում է Ստեփան Մարգարյանը:
