ՀՀ կառավարությունը իր տնտեսական սնանկ քաղաքականության հետևանքով հայտնվել է պետական գանձարանի դատարկության առջև
Քիչ առաջ Ազատության հրապարակում մեկնարկեց «Դեմ եմ» նախաձեռնության հանրահավաքը, որն ավարտվելու է երթով: Նախաձեռնության անդամները, ներկաները ՀՀ օրհներգի ներքո սկսեցին հանրահավաքը, ապա բոլոր պաստառներն ու դրոշները ցած իջեցրած մեկ րոպե լռությամբ հարգեցին քանդակագործ Արա Շիրազի հիշատակը:
Նախաձեռնության անդամ Հայկ Ավետիսյանն ընթերցեց Հայկակայն վերածնունդ սփյուռքահայության շարժման բոլոր մասնաճյուղերի կողմից ուղարկված հաղորդագրությունը, ովքեր իրենց զորակցությունն են հայտնում պարտադիր կուտակային բաղադրիչի դեմ պայքարի նախաձեռնությանը:
Հայկ Ավետիսյանը ընթերցեց հայտարարությունը՝ ասելով, որ ՀՀ կառավարությունը իր տնտեսական սնանկ քաղաքականության հետևանքով հայտնվել է պետական գանձարանի դատարկության առջև, և փորձում է այն լցնել ժողովրդին կեղեքելու նորանոր միջոցներով, այդ թվում՝ կուտակային գանձումներով:
