Պայթյուն Գյումրիի քաղաքային աղբանոցո՞ւմ
tsayg.am-ը գրում է. Մարտի 20-ին, ժամը 14:50-ին, ոստիկանության Մուշի բաժնում հաղորդում է ստացվել, որ աջ նախաբազկի և աջ ազդրի պատառոտված վերք ախտորոշմամբ բուժօգնության է տեղափոխվել 1961 թ. ծնված Ալբերտ Ժորայի Հարությունյանը: Տուժածը տեղափոխվել է «Գյումրի» բժշկական կենտրոն, ստացել բուժօգնություն, սակայն չի հոսպիտալացվել: Օպերատիվ խմբին Հարությունյանը հայտնել է, որ վնասվածքները ստացել է նույն օրը, ժամը 13:50-ի սահմաններում, Գյումրու քաղաքային աղբանոցում տեղի ունեցած պայթյունի հետևանքով, որտեղ նա ապակյա տարաներ է հավաքել: Հանգամանքները պարզվում են: Ոստիկանության քննչական բաժնում նախապատրաստվում են նյութեր:
