Իրանի ու «Վեցյակի» միջև բանակցային հաջորդ փուլը կանցկացվի ապրիլին
Իրանական IRNA լրատվական գործակալության փոխանցմամբ՝ Իրանի ու «Վեցյակի» միջև բանակցությունների հերթական փուլը պլանավորված է ապրիլի 7-9-ին: Այս մասին հայտարարել է Իրանի փոխարտգործնախարար Աբբաս Արաղչին: Նրա խոսքերով՝ ենթադրվում է, որ այդ բանակցությունները նույնպես կանցկացվեն Վիեննայում:
Իրանի ու «Վեցյակի» միջև բանակցությունների երկրորդ փուլը Վիեննայում մեկնարկել էր մարտի 18-ին, երբ Ավստրիայի մայրաքաղաքում միմյանց էին հանդիպել ԵՄ-ի դիվանագիտության ղեկավար Քեթրին Էշթոնն ու Իրանի արտգործնախարար Մոհամմադ Ջավադ Զարիֆը:
Բանակցային երկրորդ փուլն ավարտվել է երեկ: Վիեննայում կողմերի նախորդ հանդիպումը տեղի էր ունեցել այս տարվա փետրվարին:
