Ուկրաինացիները մեկ միլիոն դոլար են հավաքել բանակի կարիքների համար
Ուկրաինական UNIAN լրատվական գործակալության փոխանցմամբ՝ Ուկրաինայի քաղաքացիները երկրի ՊՆ-ի հաշվին փոխանցել են 9.9 միլիոն գրիվնա (մոտ 1 միլիոն դոլար): Այս մասին հայտարարել է Ուկրաինայի ՊՆ-ի մամուլի ծառայությունը:
Գումարը հավաքվել է «Աջակցի՛ր ուկրաինական բանակին» ակցիայի շրջանակներում, որը մեկնարկել է նախորդ շաբաթ և շարունակվում է ցայժմ: Մարտի 11-ին Ուկրաինայի պաշտպանության նախարար Իգոր Տենյուխը դժգոհել էր զինված ուժերի անբավարար ֆինանսավորումից և երկրի հարուստներին ու երևելիներին խնդրել էր միջոցներ հատկացնել բանակի համար:
