Ճապոնիան կասեցրել է վիզային ռեժիմի ու ներդրումների շուրջ Ռուսաստանի հետ բանակցությունները
Բրիտանական Reuters լրատվական գործակալութան փոխանցմամբ՝ Ճապոնիան կասեցնում է Ռուսաստանի հետ վիզային ռեժիմի դյուրացման և ներդրումային համաձայնագրի ստորագրման շուրջ բանակցությունները: Դա արվել է Կրեմլի դեմ պատժամիջոցների շրջանակներում այն բանից հետո, ինչ Մոսկվան Ղրիմը ճանաչեց որպես ինքնիշխան պետություն:
Ճապոնիայի կառավարության գլխավոր քարտուղար Յոշիհիդե Սուգան հայտարարել է, որ Ճապոնիայի կառավարությունը չի ճանաչում Ղրիմի հանրաքվեն, որը չունի իրավական ուժ, քանի որ անցկացվել է Ուկրաինայի սահմանադրությունը խախտելու միջոցով. «Ռուսաստանի կողմից Ղրիմի անկախության ճանաչումը խախտում է Ուկրաինայի ինքնիշխանությունն ու տարածքային ամբողջականությունը: Դա վիրավորական է»:
