Իրանի նախագահը մեկնելու է Չինաստան
Իրանական IRNA լրատվական գործակալության փոխանցմամբ՝ Իրանի նախագահ Հասան Ռոուհանին մոտակա երկու ամսվա ընթացքում մեկնելու է Չինաստան: Այս մասին իրանցի գործարարների հետ հանդիպման ժամանակ հայտարարել է Չինաստանում Իրանի դեսպան Մեհդի Սաֆարին:
Նշվում է, որ 2013 թվականի դեկտեմբերին Թեհրան էր այցելել Չինաստանի Պետխորհրդի անդամ Յան Ցզեչին, ով ուղղորդում է արտաքին քաղաքականության հարցերը: Նա հանդիպել էր Իրանի նախագահի, խորհրդարանի նախագահ Ալի Լարիջանիի ու արտգործնախարար Մոհամմադ Ջավադ Զարիֆի հետ:
Երկու երկրների միջև ապրանքաշրջանառության ծավալը 2013 թվականի առաջին 10 ամիսներին կազմել է 31 միլիարդ դոլար:
