Կանադան պատժամիջոցներ է սահմանել ռուս և ղրիմցի պաշտոնատար անձանց նկատմամբ
Ռուսական Интерфакс լրատվական գործակալության փոխանցմամբ՝ Կանադան պատժամիջոցներ է սահմանել 7 ռուս և 3 ղրիմցի պաշտոնատար անձանց նկատմամբ՝ գտնելով, որ նրանք պատասխանատու են Ուկրաինայի ճգնաժամի համար: Պատժամիջոցները նախատեսում են այդ անձանց կողմից Կանադա մուտք գործելու վրա արգելքի սահմանում և Կանադայում նրանց ակտիվների սառեցում:
Պատժամիջոցների ցանկը հրապարակել է Կանադայի վարչապետ Սթիվեն Հարփերը: Ցուցակը գլխավորում է Ռուսաստանի փոխվարչապետ Դմիտրի Ռոգոզինը: Ցուցակում ընդգրկվել են նաև Ղրիմի վարչապետ Սերգեյ Աքսենովը և խորհրդարանի նախագահ Վլադիմիր Կոնստանտինովը:
Հարփերը մտադիր է առաջիկա շաբաթ այցելել Կանադա և հանդիպել Ուկրաինայի վարչապետ Արսենի Յացենյուկի հետ: Ամերիկյան ԶԼՄ-ներն ընդգծել են, որ դրանով իսկ նա կդառնա G8-ի անդամ երկրների առաջին ղեկավարը, ով Ղրիմի շուրջ Ռուսաստանի ու Ուկրաինայի միջև հարաբերությունների սրումից հետո ժամանում է Կիև:
Նշվում է, որ Կանադայի 1.2 միլիոն քաղաքացի ունի ուկրաինական ծագում:
