Վանում տեղի է ունեցել Իրանի ու Ադրբեջանի արտգործնախարարների հանդիպումը
Իրանական IRNA լրատվական գործակալության փոխանցմամբ՝ Վան քաղաքում այսօր տեղի է ունեցել Իրանի ու Ադրբեջանի արտգործնախարարներ Մոհամմադ Ջավադ Զարիֆի ու Էլմար Մամեդյարովի հանդիպումը: Հանդիպման ժամանակ կողմերը քննարկել են երկկողմ հարաբերությունների հարցն ու տարածաշրջանային խնդիրները:
Հանդիպումն անցկացվել է դռնփակ պայմաններում: Հանդիպումը կայացել է Իրանի, Թուրքիայի ու Ադրբեջանի արտգործնախարարների հերթական եռակողմ հանդիպման շրջանակներում: Տվյալ ձևաչափով նախորդ երկու հանդիպումներն անցկացվել են Ուրմիայում ու Նախիջևանում:
