Ռուսաստանն իր պատմության մեջ առաջին անգամ զանգվածային դեսանտ է իջեցրել Արկտիկայում
Ռուսական РИА Новости լրատվական գործակալության փոխանցմամբ՝ անցած գիշեր Արկտիկայում դեսանտ է իջեցվել 350 մարդուց բաղկացած օդա-դեսանտային գումարտակը: Ընդգծվում է, որ դա Ռուսաստանի պատմության մեջ առաջին դեպքն է, որ նա դեսանտ է իջեցնում Արկտիկայում:
Այս մասին լրագրողների հետ զրույցում հայտարարել է Ռուսաստանի օդա-դեսանտային զորքերի պաշտոնական ներկայացուցիչ, փոխգնդապետ Եվգենի Մեշկովը: Անհրաժեշտ բեռներով ու ռազմական տեխնիկայով դեսանտն իջեցվել է «Իլ-76» ինքնաթիռներով:
Վայրէջք կատարելուց հետո դեսանտայիններն օդանավակայան են «գրավել», ընդ որում, նրանց դիմակայել է պայմանական մոբիլ հակառակորդը: Դրանից մեկ ժամ էլ չանցած՝ դեսանտայիններն արդեն իսկ պատրաստ են եղել օդանավակայանում ընդունել նոր ինքնաթիռների ու դեսանտայինների:
