Բան Կի Մունը հանդիպել է Արսենի Յացենյուկի հետ
Ռուսական ИТАР-ТАСС լրատվական գործակալության փոխանցմամբ՝ ՄԱԿ-ի գլխավոր քարտուղար Բան Կի Մունը հանդիպել է Ուկրաինայի վարչապետ Արսենի Յացենյուկի և արտգործնախարարի պաշտոնակատար Անդրեյ Դեշչիցայի հետ, ինչը տեղի է ունեցել ՄԱԿ ԱԽ-ի նիստից հետ: Այս մասին հայտնել է ՄԱԿ-ի մամուլի ծառայությունը:
Հանդիպման ժամանակ ՄԱԿ-ի գլխավոր քարտուղարը հանդես է եկել Կիևի ու Մոսկվայի միջև ուղիղ երկխոսության հաստատման օգտին: Դիմելով Ուկրաինայում ու տարածաշրջանում բոլոր կողմերին՝ Բան Կի Մունը կոչ է արել նվազեցնել լարվածությունը, հռետորիկայի աստիճանը և գտնել ճգնաժամի խաղաղ կարգավորումը:
Մունը կարևորել է Ուկրաինայի ինքնիշխանության, տարածքային ամբողջականության, հակամարտությունների խաղաղ կարգավորման ու մարդու իրավունքների ամբողջական պահպանման մասին ՄԱԿ-ի կանոնադրության սկզբունքների պահպանումը:
