Պուտինը հեռախոսազրույց է ունեցել Ռոուհանիի հետ
Ռուսական РИА Новости լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը հեռախոսազրույց է ունեցել Իրանի նախագահ Հասան Ռոուհանիի հետ: Այս մասին հայտնել է Կրեմլի մամլո ծառայությունը:
Վերջինիս հաղորդմամբ՝ հեռախոսազրույցի ժամանակ Պուտինն ու Ռոուհանին քննարկել են Իրանի միջուկային ծրագրի հարցը: Պուտինը դրականորեն է գնահատել «Վեցյակի» հետ բանակցությունների հանդեպ Թեհրանի որդեգրած դիրքորոշումը: Բացի այդ, կողմերը քննարկել են երկկողմ ու միջազգային օրակարգում գտնվող այժմեական այլ հարցեր, այդ թվում նաև Կասպյան հերթական գագաթաժողովի նախապատրաստման հարցը:
