Սիրիան փակել է Սաուդյան Արաբիայում ու Քուվեյթում իր դեսպանատները. France-Presse
France-Presse լրատվական գործակալության փոխանցմամբ՝ Սիրիայի իշխանությունները մարտի 12-ին փակել են Սաուդյան Արաբիայում ու Քուվեյթում իրենց դեսպանատները: Այս մասին գործակալությանը հայտնել են Դամասկոսում նրա դիվանագիտական աղբյուրները:
Որպես դեսպանատների փակման պատճառ է նշվում Սաուդյան Արաբիայի ու Քուվեյթի իշխանությունների կողմից Սիրիայի ուղարկած դիվանագիտական ներկայացուցիչներին չհավատարմագրելը: Սաուդյան Արաբիան Սիրիական հակամարտության սկսվելուց ի վեր՝ աջակցում է սիրիական ընդդիմությանը և հանդես է գալիս Բաշար Ասադի վարչակարգի տապալման օգտին:
