Կիմ Չեն Ինն ընտրություններում 100 տոկոսանոց արդյունք է գրանցել
Ամերիկյան Associated Press լրատվական գործակալության փոխանցմամբ՝ ԿԺԴՀ-ի առաջնորդ Կիմ Չեն Ինն ընտրվել է հյուսիսկորեական Գերագույն ժողովրդական ժողովում: Նրան աջակցել է քվեարկողների 100 տոկոսը: Ընդհանուր առմամբ, տեղի խորհրդարանը բաղկացած է 687 պատգամավորից:
Պատգամավորից բացի, Կիմ Չեն Ինը նաև հանդիսանում է «Կորեայի աշխատանքային կուսակցության» հավերժ գլխավոր քարտուղար, պետական պաշտպանական կոմիտեի նախագահ և գերագույն գլխավոր հրամանատար: Կիմ Չեն Ինը ԿԺԴՀ-ում իշխանության է եկել 2011 թվականին՝ իր հոր՝ Կիմ Չեն Իրի մահվանից հետո:
