Ղրիմի թաթարները կոչ են անում բոյկոտել հանրաքվեն
Интерфакс-Украина-ի փոխանցմամբ՝ Ղրիմի թաթարների մեջլիսը (ոչ պաշտոնական խորհրդարան) քաղաքացիներին կոչ է արել բոյկոտել Ռուսաստանին միանալու մասին թերակղզու իշխանությունների նշանակած հանրաքվեն: Այս մասին այսօր հայտարարել է մեջլիսի նախագահ Ռեֆատ Չուբարովը:
Վերջինս հանրաքվեի բոյկոտման մասին կոչը հասցեագրել է Ղրիմի բոլոր բնակիչներին՝ անկախ նրանց ազգությունից: Չուբարովը հավելել է, որ հանրաքվեն կդառնա իրավիճակի հետագա ապակայունացման գործոն: Նա Ղրիմի խորհրդարանի պատգամավորներին, որոնք կողմ են քվեարկել հանրաքվեի անցկացմանը, որակել է որպես «խելագարներ և օտարների կամակատարներ»:
