Մեկնարկել է Իրանի արտգործնախարարի երկօրյա ճապոնական այցը
Իրանական IRINN հեռուստաալիքի փոխանցմամբ՝ Իրանի արտգործնախարար Մոհամմադ Ջավադ Զարիֆը երկօրյա այցով մեկնել է Ճապոնիա: Զարիֆը ճապոնացի բարձրաստիճան պաշտոնյաների հետ քննարկելու է երկկողմ հարաբերությունները, ինչպես նաև տարածաշրջանային ու միջազգային հարցեր:
Զարիֆի ճապոնական այցն իրականացվում է Ճապոնիայի արտգործնախարար Ֆումիո Կիսիդայի հրավերով և միտված է երկու երկրների հարաբերությունների մակարդակի բարձրացմանը: Զարիֆը հանդիպելու է նաև Ճապոնիայի վարչապետ Սինձո Աբեի հետ:
Նախորդ տարվա սեպտեմբերին Իրանի նախագահ Հասան Ռոուհանին ու Ճապոնիայի վարչապետը Նյու Յորքում ՄԱԿ ԳԱ-ի 68-րդ նստաշրջանում պայմանավորվել են Թեհրանի ու Տոկիոյի հարաբերությունների հետագա ընդլայնման շուրջ:
