Վլադիմիր Ռիբակը ստորագրել է հունվարի 16-ի օրենքների չեղյալ հայտարարման մասին օրենքը
ZN.UA-ի փոխանցմամբ՝ Ուկրաինայի Գերագույն ռադայի նախագահ Վլադիմիր Ռիբակը ստորագրել է հունվարի 16-ի «բռնապետական օրենքների» չեղյալ հայտարարման մասին օրենքը: Խոսքը գնում է 9 օրենքի չեղյալ հայտարարման մասին:
Այժմ հունվարի 16-ի «բռնապետական օրենքների» չեղյալ հայտարարման մասին օրենքը պետք է ստորագրի Ուկրաինայի նախագահ Վիկտոր Յանուկովիչը, որին բարձր ջերմություն ունենալու պատճառով տեղափոխել են հիվանդանոց:
Ուկրաինայի խորհրդարանը հունվարի 28-ին քվեարկել էր հունվարի 16-ի «բռնապետական օրենքների» չեղյալ հայտարարման օգտին: Համապատասխան որոշման օգտին քվեարկել էր 361 պատգամավոր:
