Ղարաբաղյան հակամարտության կողմերը պետք է ձգտեն խաղաղության. Ջեյմս Ուորլիք
Ադրբեջանական Trend լրատվական գործակալության փոխանցմամբ՝ ԵԱՀԿ Մինսկի խմբի ամերիկացի համանախագահ Ջեյմս Ուորլիքը հերթական գրառումն է արել Twitter-ի իր միկրոբլոգում՝ կապված Ղարաբաղյան հակամարտության հետ.
«Ղարաբաղյան հակամարտության կողմերը պետք է ձգտեն խաղաղության հասնելուն: Իրավիճակի լարվածությունը չի համապատասխանում որևէ մեկի շահերին»: Նշվում է, որ վերջին օրերին շփման գծում իրավիճակը շարունակում է մնալ լարված:
Ադրբեջանի պաշտպանության նախարար Զաքիր Հասանովն իր հերթին հայտարարել է, որ Ղարաբաղյան հակամարտությունը «տարածաշրջանի գլխավոր սպառնալիքն» է:
