Կիևի մոտ վայրէջք է կատարել Ռուսաստանից ժամանած ռազմափոխադրման 7 ինքնաթիռ. պատգամավոր
Грузия Online-ի փոխանցմամբ՝ Կիևի մոտ վայրէջք է կատարել Ռուսաստանից ժամանած ռազմափոխադրման 7 ինքնաթիռ: Այս մասին սոցցանցի իր էջում գրել է «Սվոբոդա» կուսակցության պատգամավոր Յուրի Սիրոտյուկը:
Վերջինիս խոսքերով՝ Ռուսաստանից Կիև են ժամանել АН-12 տիպի 6 և АН-24 տիպի 1 ինքնաթիռ: Ուկրաինայի ազգային անվտանգության ու պաշտպանության խորհրդի անդամ Սիրոտյուկն ընդգծել է, որ մաքսային ծառայության աշխատակիցներին թույլ չեն տվել մոտենալ այդ ինքնաթիռներին:
Ավելի վաղ նույն կուսակցության առաջնորդ Օլեգ Տյագնիբոկը հայտարարել էր, որ Ռուսաստանից ժամանած ինքնաթիռներն իրենց հետ Կիև են բերել հատուկ միջոցներ, որոնք անհրաժեշտ են ցուցարարներին ցրելու համար:
